فيه كلام نفسي
أقوله
بس مش قادر
أقوله
بس نفسي بجد
اقوله
يمكن آجي ف يوم
اقوله
بس خايف مرة
اقوله
زي ما نفسي
أقوله
تيجوا مرة ف يوم
تقولوا:
"هوة
عايز إيه يقوله؟
لو فضلنا الليل
بطوله
مش هنفهم منه
قوله
مش يوضح لينا
قوله
ولا هوة لغز
واحنا
راح ندور عن
حلوله"
مش حكاية لغز
هية
دي مشاعري
المختفية
الحكاية: إني مش
حاسس براحة
نفسي اقول رأيي
بصراحة
بس لو قلته ف
مرة
يتعمللي مية
مناحة
أصل كل حكايتي
إني
كل حاجة غصب عني
جيت لدنيا غصب
عني
حتى إسمي غصب
عني
والدراسة غصب
عني
والوظيفة غصب
عني
حتى لو مش غصب
عني
تبقى مش بإرادة
مني
يعني بردو.. غصب
عني
يظهر ان كلامي
غامض
شكله زي طبيخ
وحامض
بس مش قادر أوضح
أو أبيّن.. أو
(أفتّح)
ما علينا.. كله
فاني
والعدية: لحمة
ضاني
والحياة دي
مسرحية
إما أبقى
مشخصاتي
والحياة حلوة
وهنية
بس كل الناس
هتضحك
أو هتتريق عليّه
أو هعيش اضحك
وازقطط
بس يتمثل عليّه
وانت عارف..
ولا مش لازم
اقولك
أصل مش هقدر
اقولك
وكفاياك اللي
سمعته
بس إوعى تقول
عليه
قول: ده كان
مجنون قابلته
قال حاجات..
معرفش إيه
هوة ده آخر
كلامي
اللي مش هقدر أقوله
رابط القصيدة على صفحتي هـــنـــا
ليست هناك تعليقات:
إرسال تعليق