حوار بين العقل والقلب

العقل:

غَدَرَت بقلبك عينُها الحوراءُ // لا تعجبن فكلهن سواءُ

لا فرق بين رقيقة وغليظة // فجميعهن قلوبهن خواءُ

وجميعهن لعابثات بالهوى // تلهو بقلبك، صاح، كيف تشاءُ

فعذابنا من بُعدهن لراحة // ودواؤنا في قربهن لداءُ

/////////////

القلب:

روق يا حاج وهوة فيه في الدنيا زي // لما الحبايب في الهوى يتلاقوا

ولا احنا نقدر نحيا من غير حبهم

العقل:

إن الحياة بحبهن فناءُ

القلب:

اسكت بقى لهعورك. ازاي نعيش // من غير مانشتاق في الهوى ويشتاقوا

دول فاكهة الدنيا الكئيبة وفرحها // ربك هو الرزاق ودول أرزاقه

العقل:

ما زال قولك خاليا عن منطق ** لا شيء إلا بهرج وهراء

أو ما علمت بكيدهن بعقلنا // حتى تصيبك جِنة وشقاء

إن أحسن المرء الكريم لهن ثم// ـم لقين منه مساءة- كفراء

القلب:

جبت اللي عندك؟ خد بقى مني الزُبد // واوعى تقاطعني لأقطعك "أشلاءُ"

دول همة نصك في الحياة. همة اللي حِمْـ//ـلوا، وم العذاب والمر لاجلك داقوا

وعشان جمالهم ده انكتب شعر وغنا // ده الشعر مكتوب في الهوا وعشاقه

مين يكره "الجنس اللطيف"؟ مين يسلى عطـ//ـفه ورقته؟ أو مين يعيش في فراقه؟