ذكريات عدت في
بالي *** ذكريات من وقت فات
نفسي ينساها
خيالي *** ذكريات حبي اللي مات
لما شفت عيون
جميلة *** لما شفت رموش كحيلة
قلبي دق وقاللي
هيّه *** قالي هيّه البنت ديه
اللي بتدور
عليها *** واللي تتمنى تلاقيها
من هنا فكرت
فيها
هيه ديه
**********
تاني يوم جت في
معادها *** كنت بتمنى أخدها
جوة عيني ولا
قلبي *** وابدأ احكيلها بحبي
واني دورت عليها
*** طول حياتي ومش لاقيها
وان كل كياني
ينبض *** باسمها، وبيناديها
وان هيه أمالي
هيه *** هيه أيامي اللي جيّه
كل ده بس بعنيها
الحلوة ديه
**********
كل يوم عن يوم
بيكبر *** حبي ليها ع اللي قبله
وانشغل، واسهر،
وافكر، *** في حياتي حبّ قبله
لأه. أول واحدة
اشوفها *** واسهر الليل ويه طيفها
وانشغل.. وأقول
ف مرة *** تنشغل مني بنظرة
ولا آهة من
أهاتي *** يبقى حالها من حالاتي
تبقى زي ما احس
بيها
تحس بيّه
**********
بعد يوم مقدرتش
اصبر *** رحت اصارحها بهوايا
قلت: "ياما
كنت بسهر *** يبقى طيفك ده معايا
وان رمشك جه ف
قلبي *** صحى احساسي ومشاعري
خلى قلبي (كأنه
ملكك) *** (نفسي يوهب ليكي عمري)
كان جوابها:
"إن عمري *** ما انشغلت ثواني بيك
ما انشغلت وعمري
مقدر *** أنشغل أو احس بيك"
ده جوابها.. وده
نصيبي *** واعمل ايه ف قسوة حبيبي
لأه.. إوعى تقول
عليها *** إن قسوتها بإيديها
متخدعتش فيها
مَرّة *** هيه قالت رأي حرة
إنك انت مش
حبيبها *** انسى يلا خلاص وسيبها
إنسى وادعيلها
كمان *** إنها متجيش مكانك
إنسى وادعيلها
بحنان *** يبقى أكتر من حنانك
بس مش ممكن
هتلقى *** قلب زيي كبير وصافي
أي قلب حبيب
هيبقى ***ألف خاين.. مرة وافي
**********
هيه ديه
الذكريات *** ذكريات حبي اللي مات
ذكريات مرت وعدت ***
ذكريات من عمر فات
رابط القصيدة على صفحتي هـــنـــا
ليست هناك تعليقات:
إرسال تعليق